آغ آتلی اوغلان
آذربایجان گوزلی- اینسان حاقلاری- ادبیات-دوشونجهآغ آتلی اوغلان
آذربایجان گوزلی- اینسان حاقلاری- ادبیات-دوشونجهچیلله گئجه سینه گوره بیر طنز توررکی شعر- شعر طنز ترکی درباره شب یلدا
چیلله گئجه سی یئتیشدی یولدان
فامیل توکولوبدی ســـــاغ و صولدان
مش قوربانعلی دوشوبدی قولـدان
دورد اللی یئییر جویــــز - میلاخ دان!
آ رواد گـــــوز آغـــــاردیـری قیـــراخ دان!!
سئفرایه ائدیبدی حمله شئر تک
تئز تئز یی ییری انار و پشمک
آجیللره هی ووروبدو پاتک
بئش قابی بوشالدیب اوسته - اوسته
تکجه سئچیری باداملا پوسته !
چون سینی ایچینده گلدی قارپیز
قوربان دئدی : گل بو سمته آی قیز!
قَش قَش یئدی قارپیزی آمانسیــــز
هیچ کیمسه آلانمادی الین نن
قارپیز سویی آخدی سققلین نن!
مجلس صاحابی سوسوب، قالیب واه!
گاهدان گولوری: دئییر ماشاللاه!
قلبینده دئییر ولی : آی آللاه!-
دورد اللی بوجور یئمه خ نه ایشدی؟
واه واه بو کیشی نه گورمه میشدی!
بیر کیمسه یه وئرمیری ماجالی
تئز تئز سویور آلما -پرتقالی
تا که گؤرور ائو صاحاب بو حالی
هی چئینیری هیسله دیل دوداقین:
آی قارنی شیشه بوجور قوناقین!
ازبس یئدی ، دالبادال چای ایشدی
قارقیش اوخی مقصده یتیشدی
تیخماق اثرین ده قارنی شیشدی
بیردن بیره ناله سی اوجالــدی
مجلس صاحابی خطایه قالدی!
آرواد دئدی : ای وای اؤلدی قوربان!
دور ماشینی فوری یاندیر اوغلان!
تا کـــــــــــــه آپـــــاراق مطبّه الآن
یئردن اونو قووزادی قوناقلار
آلدی بئلینه اوغول به ناچار
ایستیردی چیخا اتاق دان اوغلان
ائتدی الینن اشاره قوربان
گوردو آتاسی دئییر یاواشدان:
اوچ -دؤرد تیکه حالوا اولسا خوشدی
معده م دیه سن بیر آزجا بوشدی!!
چیلله گجه سی اس ام اس لری- اس ام اس های شب یلدا- sms شب یلدا ترکی
قارانلیغا قارشی،
گونشه اینام ،
بیز ایشیق عاشیق ییخ
بو اوزون گجه لرده
گونشی گوزلوییریخ
ایلین ان اوزون گجه سی سیزه و عایلزه موبارک اولسون
************************
پیتاغین آغاجا باغلی اولدوغو کیمی
سولارین دنیزه آخدیغی کیمی
قوشلارین گویلره اوچدوغو کیمی
عائله و ایستکلی لریزینن یاشیین یوز ایللرو
مین بئله چیلله لر
************************
قارانلیق نه قدر درین، هر نه قدر اوزون و ظالیم اولسادا
سحر گونش محبتلی ایشغیلا
دونیانی آیدین لاتاجاقدیر
بونا اینانیرام
چیلله گجه سی قوتلو اولسون
************************
اصلینده بیز ایلیین ان اوزون گجه سی دئیل،
سحر آچیلان ایشیغی جشن توتوروق
اورییز ایشیقلی چیلله گجه ز اولدوزلی
************************
بو چیلله گجه سی سنه بیر قارپیز آلاجاغام
ایچینی بوشادیپ یرینه اورییمی قویاجاغام
بو حیله نن سیزه قوناخ گله جاغام
ان اوزون گجه ده سنی تک قویمویاجاغام
************************
دونیانین ان قارانلیق، ان سویوخ گجه سینده
سنین یانیندا اولاجاغام
منیم قوجاغیمدا اولاجاقسان
چونکی قلبیم سنین قلبینه یاپیشاندا
ایشیلدیر اوفقلار، ارییر بوزلار
************************
چیلله گجه سی چوخ اوزون دی
چوخ قارانلیق دی
چوخ دا سویوخ دی
...
آمما بیرلیخدا اولاندا
محبت اوره یه سولطان اولاندا
اورکلریمیزده نه سویوخ وار نه قارانلیق
یاشاسین بیرلیق یاشاسین چیلله
************************
قارپیزیز سوگی دولو
اناریز پاریلداسین
بو اوزون گجه لرده
بخت اولدوزوز پاریلداسین
چیلله گجه سی، سیزه و عائلزه سوگی و محبت هدیه السین
************************
چیلله نه دئمک؟ بیر آرایا گلیب بیربیریمیزی گوروب شعف لنمک
بو موتلولوغون ایلک اصلیدی: بیرلشمک
بیرلکدا چیلله گجز موبارک اولسون
سوز: آغ آتلی اوغلان
************************
داها چوخ اس ام اس
قلبتون مثل مشمبا- جیبتون پر از یرآلما- دلتون قد یه آلما- عمرتون مین شب یلدا- توی این شبهای سرما- یاپیشار آبپز یرآلما شب یلدا مبارک
************************
دونیانین ان اوزون و ان سویوخ گجه سینده بیز قارپیز ییریخ
تا ثابیت الیاخ کی
...
دونیانین ان سفه میلتی بیزیخ بیز
************************
بو گئجه آلمیشام چیلله قارپیزی
سالمیشام چایدانا یاشیل یارپیزی
هر زادیم وار فقط یوخدو سئوگیلیم
آللاهیم سن یئتیر ، من سئون قیزی
Bu gecə almışam çillə qarpızı
salmışam çaydana yaşıl yarpızı
hər zadım var fəqət yoxdu sevgilim
Allahım sən yetir mən sevən qızı
***************************************
گلیب یئتیشدی چیلله ... بو آخشام منی دینله ... چوخ سئویرم من سنی ... هی دئمه سؤزدی دیلده
gəlib yetişdi çillə ... bu axşam məni dinlə ... çox sevirəm mən səni ... hey demə sözdü dildə
***************
چیلله گئجه سینده سنه بیر قیرمیزی قارپیز آروزلاییرام ، اومودوم وار شاد گونلرین بو گئجه تک
اوزون و زیندگانلیغین برکتلی اولسون . **چیلله گئجن موتلو اولسون**
çillə gecəsində sənə bir qirmizi qarpız arzulayıram və ümüdüm var şad günlərin bu gecə tək uzun və zındəganlığın bərəkətli olsun . ** çillə gecən mutlu olsun
***************************************
.*"'"**.............**"'"*.
*. چیلله گئجه ز .*
*. موبارک .*
"*. .*"
"."
"*. چیلله گئجه سی سیزه موتلو اولسون *"
.*"'"**.............**"'"*.
*. Çillə gecəz .*
*. Mübarək .*
"*. .*"
"."
Çillə gecəsi sizə mutlu olsun
***************************************
بولودوز یاغار اولسون ، سولاریز آخار اولسون ، اوجاقیز یانار اولسون ، "چیلله گئجه نیز موبارک اولسون
buluduz yağar olsun . sularız axar olsun . ocağız yanar olsun . ÇİLLƏ GECƏNİZ MÜBARƏK OLSUN
***************************************
پاییز گئدیر ، سونرا بوران قار گلیر ، سوفرالارا حالوا ، قارپیز ، نار گلیر ، چیلله گئجه ائل اوبانی شاد ائدیب ، بیزیم یوردا ائله بیل باهار گلیر ...
چیلله گئجه نیز قوتلو اولسون.
payiz gedir sonra boran qar gəlir . sufralara halva qarpız nar gəlir. çillə gecə el obanı şad edib . bizim yurda elə bil bahar gəlir
çillə gecəz qutlu olsun
***************************************
بیر گون اولاجاق ، گون چیخاجاق ، داریخما ، گوللر آچاجاق ، یاز گلجک یوردا ، داریخما . " چیلله گئجه نیز موبارک اولسون"
bir gün olacaq . gün çixacaq . darıxma ... güllər açacaq yar gələcək yurda . darixma
çillə gecəsi mübark olsun
***************************************
اورگینیز یای کیمی ایستی اولسون ، قیشلارینیز سویوق اولسادا ، گونشسیز اولماسین
شن گونلرینیز، چیلله گئجه لرینیزجه اوزون و چیلله گئجه نیز ، گؤزل گونلرجه موتلو اولسون
ürəyiniz yay kimi isti olsun . qışlarınız soyuq olsada . günəşsiz olmasın
şən günləriniz çillə gecələrinizcə uzun və çillə gecəniz gözl günlərcə mutlu olsun
***************************************
گول اوزونوز انار کیمی قیرمیزی ، گئجه نیز چیلله قارپیزی کیمی شیرین ، گولماغینیز پوسته کیمی داواملی و عمرونوز چیلله گئجه سی کیمی اوزون اولسون .
gül üzünüz ənar kimi qirmizi gecəniz çillə qarpızı kimi şirin gülmağınız püstə kimi davamlı və ömrünüz çillə gecəsi kimi uzun olsun
دری لر
آغ دریلی لر
قارا دریلی لر
ساری دریلی لر
قیزیل دریلی لر
یئنی بیر سوی آرتماقدادیر
اینسانین رنگسیزلیینه
پلاستیک دریلی لر
م. عزیزپور
سنی اینسان تانیرام من
آذربایجانین دویوغولی شاعیری فاطمه عبدالجبار فرشبافی دن گوزل بیر شعر ( بیرآز تلخیص له)
سنی اینسان تانیرام من
قوی اشیتسین هامی اینسانلاری سومکدی مرامیم
اوجالار خلقیمی سومکله منیم شان و مقامیم
ای اولان شهرت و نامیم
کین توتان کوکسولری خانه ویران تانیرام من
سنی اینسان تانیرام من
گوزلیم یاخشی بیلیرسن کی، تک اللرده سس اولماز
آییق اولساق داها شیطان بیزیله هم نفس اولماز
داها زیندان قفس اولماز
سن سیز اولسام هامینی شهریده شیطان تانیرام من
سنی اینسان تانیرام من
بو نه حکمت دی طبیعتده کی یاشلا دولا گوزلر
اتمه ین جورمه، گوناها، نیه محکوم اولا گوزلر
نیه گول تک سولا گوزلر
دونیانین هر یرینی قورخولو زیندان تانیرام من
سنی اینسان تانیرام من
"گوزوم"، اوت یاشلارینی ، کوهنه بیین لرسنی قانمیر
غمینی بیلمیراینانمیر، سنی دانلیر، هیچ اوتانمیر
گوزلییم بوردا گرکدیر هامی گوزلر یاشین اوتسون
هامی ایلقارین اونوتسون
گوز، یاشین توکمه سه ده قلبیمی گریان تانیرام من
سنی اینسان تانیرام من
گوزلیم نغمه اوخو، بلکه سسین خلقی اویاتسین
بلکه بایقوش سسی باتسین، بلکه غم ضولمون آزاتسین
اوخو"احساس" سسینه سوزلرینه، غرق اولوب اویسون
دوزلوغی، حورمتی دویسون
سن اوخوبلکه بیری شورا گلیب تارینی چالسین
ایکی سس سسلر اولوب، سسلر اوجالسین
بلکه غم، غصه قوجالسین
اوخو ای شعریمه عنوان اولان ای قهرمان اینسان
سسینه سس وررم، اولما پریشان
قوپاراق شهریده توفان
اوخو، سس لن کی سنی مرغ خوش الحان تانیرام من
سنی اینسان تانیرام من
بیری سویلوردی کی شاعیر اوریینده نه کدر وار
دی گوروم بیر نه خبر وار
بئله قاندیم کی بو شعرینده خوشونتدن اثر وار
بئله سوزلرده خطر وار
دئدی یازما، قلمی سیندیریب آت، کاغذی یاندیر
سوزو معنانی اوتاندیر، اوزووه جهلی ایناندیر
بئله صحبت لری بیهوده و هذیان تانیرام من
سنی اینسان تانیرام من
هاوا توتقوندی ، قارانلیقدی ، کوچن کروانی سسله
سنی سنلن تانیان اینسانی سسله
گوزونو پارلاق اولان شمع لره مشعل لره تاپشیر
الینی، ال لره تاپشیر
دلی کونلونده بوتون واژه لری داده چاغیر سن
سوزو ایمداده چاغیر سن
غمه دوش سن آییق اینسانلاری فریاده چاغیر سن
سن سیز اولسام اوزومو مدبر دئوران تانیرام من
سنی اینسان تانیرام من
سن، سن اولسان داها هئچ کیم سنی سندن آیرامماز
قلبینه یاره ویرامماز
داها هئچ کیمسه سنه وئردیغی ایلقاری قیرانماز
سن گئدرسن منی ده سوزلره معنالره تاپشیر
منی گوی لرده اوچان سئومه لی عنقالره تاپشیر
سویو پاک دوم دورو دریالره تاپشیر
منی رویالره تاپشیر
تازا آچمیش نیگران قونچه لری سوزلره تاپشیر
دوز باخان گوزلره تاپشیر
چون سنی قونچه لره سئوگیلی باغبان تانیرام من
سنی اینسان تانیرام من
گوزلیم قول لاری چیرما، دئنه آللاهه توکل
بیرده کی چکدیغیمیز اودلی اولان آهه توکل
ای بو توفانلی دنیزدن اومیدیله گیچن اینسان
سوزو سوزدن سئچن اینسان
دلی جیرانلارا تای، داغ تپه لردن گئچن اینسان
سنی من حق دانیشان ، قوخمایان اینسان تانیرام من
سن اوزون سن، تانیرام من
سنی اینسان تانیرام من
دئدیم عقلیم منی دیندیر، گل اولاخ بیر
یالانی دوزدن آییر، خلقی سویندیر
سن حقیقت لری گور، گورمه ین اینسانا بیلیندیر
یازیرام اهل قلم شعریمی قانسین
کونلوم ایستر غم ائوی بوردا تالانسین
یاتان اینسانلار اویانسین
ایستیرم شعریم اولوب نورلو چیراغ، شهریده یانسین
وئرمه اوممیدینی الدن، بویوک اینسانلارا خاطیر
بوظولوم خانه ده حق سیز توکولن قانلارا خاطیر
بیرده ویجدانلارا خاطیر
گوزونو یومما آماندیر سنی سندن آییران وار
منی مندن آییران وار
سن گئدرکن، سنی حتی قارا یئل لرده خاطیرلار
سوزلی سازلاردا اولان نغمه لی تئل لرده خاطیرلار
سنی داغلاردان آشان معنالی سئل لرده خاطیرلارده
غملی ائل لرده خاطیرلار
غملی ائل لر نیگران سوزلره چوخدان یاریشیب لار
بوردا سئومک له، سئویل مک غمینه هی بولاشیب لار
گون باتارکن یولا دوش، قوی سنی ائل لر یولا سالسین
سنی گوزلردن آخان غصه لی سئل لر یولا سالسین
قارا یئل لر یولا سالسین
سن گئدرکن بیلیرم باغچادا گوللر سارالال لار
داها معنانی باخیشلاردان آلال لار
منده قلبیمده سنین دردینی بارلاندیران اوللام
اومیدیله سوزومو شعریمی پارلاندیران اوللام
دوزومو ائل لریمه آندیران اوللام
گئت اوزاقلاردا بوتون ماهنی لاریندا منی سسله
سارالان گولشنی سسله
"سنی اینسان تانیرام" شعری ده من سیزلره قالسین
اوز دیاریندا وطن سیزلره قالسین
و....
سنی اینسان تانیرام من
اوخو عشقین کیتابین سئوگی دن افسانه یارات
اوخو عشقین کیتابین سئوگی دن افسانه یارات
گوزلیم، سالما گوزوندن منی بیگانه کیمین اذن ور شوط ادیم اطرافینی پروانه کیمین
بخت آیینه سی تک سیل اورییندن کدری تا صداقت باخیشیندان جوشا میخانه کیمین
اوخو عشقین کیتابین سوگی دن افسانه یارات کونلومی شوقیله سرشار اله پیمانه کیمین
روحوم آشفته دی زولفون کیمی آی سیز دی گئجَم بو پریشانلیغا بیر نظم یارات شانه کیمین
گل گوزللر آرا بی رحملیق آیینی پوز سالما اوز عاشیقینی چوللره دیوانه کیمین
بولبولم قهر زمان باغدان اوزندن اَلیمی قارا خالیندی چکن دامنی می دانه کیمین
گل ملامت داشی آلتیندا بو بیچاره کونول تالانیب قیش گونو تاراجه گدن لانه کیمین
گون گیچیب آی دولانیب ایللر اوتوبدور هله ده سینه ده ساخلامیشام گنجیمی ویرانه کیمین
گلمه دین اوندا کی حان دردینه درمان واریدی ایندی درمان دا منه درددی جانانه کیمین
عاصیمین طبعی صداقت بولاغیندان سو ایچر گرچی دوزگونلوک اولوب دهرده افسانه کیمین
اردبیللی عاصیم