نئچه ترکی شعر و نوحه دن سئچمه لرحضرت زهرانین حقینده
گزیده ای از چند شعر و نوحه ترکی در وفات حضرت زهرا(س)
علی ائوینده نه یوز وئریردی قدسیان آغلور
اومحنتین اثرینده زمانه قـــــان آغلور
نیه حسن عجلیله آناسینی چاغیرور
نیه ائدیب یوزینه گوزیاشین روان آغلـور
نه باعث اولدی علی غش ائدیبدی مسجدده
اوگیزلین آغلیان عمدی بئله عیان آغلـور
علی که بدرده خیبرده قالمادی بوحالا
حسن وئریب نه خبرکی اوقهــرمان آغلور
**************
او لحظه دن کی گتوردی خدا جهانه منی
بابام علی ایلیوب نوکر آستانه منی
اگر چی عمروده چوخ گورموشم چتین گونلر
بو گون کی تک غمه سالمیوبدی هئچ زمانه منی
اوزوم سوسوز بالالار آغلاشولا حسرتیله
فغان و ناله خیمده گتوردی جانه منی
**************
آنام ئولوب بیزه یا رب گلوب گیدن یوخدی
قالوب جنازه سی بسترده دفن ایدن یوخدی
کیمه دیوم آنام ئولدی گتیره بیر تابوت
یانان قاپونی آچان یوخدی باغلیان یوخدی
گونوز جنازه سین ایودن نیه چیخاتمولار
شفیعه عرصاته مگر کفن یوخدی
اوزی دیوب گونوز ئولسم گیجه قویون قبره
قولوندا قمچی یرینی هله گورن یوخدی
پیمبرین قیزی مریمدی اون بیر عیسایه
که مثلینی ایله عیسالرین گورن یوخدی